Агляд падзеяў культуры.
Галоўную прыз прэстыжнай прэміі дастаўся Уладзіміру Някляеву за папулярны раман “Аўтамат з газіроўкай з сіропам і без”, які распавядае пра рэаліі хрушчоўскае эпохі ў Менску. Другое месца дасталося Альгерду Бахарэвічу з першым беларускім падручнікам альтэрнатыўнага літаратуразнаўства “Гамбругскі раханак Бахарэвіча”. Трэцяе месца прэміі Гедройца журы аддала Адаму Глобусу, які летась выдаў зборнік некалькіх кнігаў “Сказы”.
{movie}Агляд падзеяў культуры|right|9458{/movie}Гэтыя літаратары абыйшлі іншых прэтэндэнтаў – Сяргея Балахонава з нарысамі з гісторыі Беларусі “Зямля пад крыламі Фенікса” ды Людмілу Рублеўскую з прыгодніцка-гістарычным раманам “Авантуры Пранціша Вырвіча”.
Таксама ў шот-ліст прэміі значыўся зборнік вострасюжэтных аповесцяў ды эсэ “Шал” Юрыя Станкевіча.
Пераможцаў прэміі абрала журы, у якое, сярод іншых, ўвайшлі пісьменнікі Уладзімер Арлоў і Павал Касцюкевіч, крытык Ганна Кісліцына, рэдактар “Дзеяслова” Барыс Пятровіч і кіраўнік пэн-цэнтра Андрэй Хадановіч.
Іншыя тэмы: пабачыла свет першая беларускамоўная настольная гульня “Паўстанцы”. У Карэі на выставу трапілі ўзоры кватэраў для сінглаў.
Мар’яна Чарняева, belsat.eu
