Сябры грамадскага аб’яднання “Беларуская асацыяцыя журналістаў” абвесцілі ў краіне кампанію добраахвотнага “разбраення”.
Як паведаміла “Белсату” прадстаўніца БАЖ Яніна Мельнікава, мэта акцыі – прадэманстраваць прадстаўнікам сілавых ведамстваў, што журналіст – гэта нешта большае, чым тэхнічныя сродкі, якімі ён карыстаецца ў сваёй працы.
“Практычна штодня ў журналістаў ідуць ператрусы. У нас забіраюць нашы прылады працы, кваліфікуючы іх як прылады злачынства. Мы вырашылі аблегчыць “чэкістам” працу і здаць рэпарцёрскія “прылады злачынства” добраахвотна, і тым самым патрабаваць: пакіньце нас у спакоі, дайце нармалёва працаваць”, – тлумачыць Яніна Мельнікава.
Для адпраўкі ў КДБ прымаюцца асадкі і алоўкі, блакноты і дыктафоны – ды ўвогуле ўсё, чым карыстаюцца рэпарцёры ў сваёй паўсядзённай працы.
belsat.eu