У Херсоне і Херсонскай вобласці расейскія войскі знішчылі ўсю энергасістэму. На яе аднаўленне спатрэбіцца прыблізна месяц. Пра гэта расказаў выканаўчы дырэктар энергетычнай кампаніі ДТЕК Дмытро Сахарук у эфіры Нацыянальнай грамадскай тэлерадыёкампаніі Украіны, паведамляе УНІАН.
Расея знішчыла ўсю энергетычную сістэму Херсону, на яе аднаўленне спатрэбіцца каля 30 дзён. Так ацэньваюць украінскія энергетыкі наступствы акупацыі гораду.
Як заявіў выканаўчы дырэктар ДТЕК Дмытро Сахарук у эфіры Нацыянальнай грамадскай тэлерадыёкампаніі Украіны, у некаторых мясцовасцях увогуле няма святла. Напрыклад, у Херсоне расейскія войскі разбурылі ўсю энергасістэму:
«Там не тое што графікаў, там увогуле няма электраэнергіі».
Паводле Сахарука, аднавіць электрычнасць у Херсонскай вобласці пастараюцца як мага хутчэй, дзеля гэтага ДТЕК надасць спецыялістаў, тэхніку і матэрыялы: «Мы гатовыя надаць людзей, тэхніку, матэрыялы, каб дапамагчы як мага хутчэй аднавіць энергетычную інфраструктуру ў Херсоне і на вызваленай тэрыторыі Херсонскай вобласці».
Як доўга можа трываць аднаўленне энергасістэмы Херсонскай вобласці, можна паглядзець на прыкладзе аднаўлення пасля дэакупацыі энергасістэмы Кіеўшчыны: спатрэбілася 30 дзён, каб абʼекты генерацыі ды энергасеткі ў Кіеўскай вобласці нармальна запрацавалі. Па папярэдніх разліках, столькі ж часу спатрэбіцца і на аднаўленчыя працы на Херсоншчыне. Аднак характар разбурэнняў яшчэ будзе ўдакладняцца для больш дакладнай ацэнкі маштабаў наступстваў расейскай акупацыі для энергасістэмы вызваленай вобласці Украіны.
ДТЕК – найбуйнейшы прыватны інвестар энергетычнай галіны Украіны. Прадпрыемствы кампаніі вырабляюць электраэнергію на сонечных, ветравых і цеплавых электрастанцыях, здабываць вугаль і прыродны газ, гандлююць энергетычнымі прадуктамі на ўкраінскім і замежным рынках, размяркоўваць і пастаўляць электраэнергію спажыўцам, а таксама развіваюць сетку станцыяў ладавання электрамабіляў. Галоўны офіс кампаніі месціцца ў Кіеве. Кампанія належыць «SCM Holdings» украінскага бізнесоўца Рыната Ахметава.
Антон Тачняк belsat.eu