Па выніках паседжання Рады Бяспекі ААН ЗША, Вялікая Брытанія, Францыя і яшчэ шэраг еўрапейскіх краінаў апублікавалі сумесную заяву наконт міграцыйнага крызісу, у якой асуджаюць дзеянні афіцыйнага Менску і заклікаюць да санкцыяў.
Заява была зроблена ад імя чальцоў Рады Бяспекі: ЗША, Вялікай Брытаніі, Францыі, Эстоніі, Нарвегіі, Албаніі, Ірландыі.
Гэтыя краіны асуджаюць выкарыстанне мігрантаў у палітычных інтарэсах афіцыйнага Менску з мэтай дэстабілізацыі сітуацыі на вонкавых межах суседніх дзяржаваў і адцягнення ўвагі ад парушэнняў правоў чалавека ўнутры Беларусі.
Чальцы Рады Бяспекі лічаць такія дзеянні непрымальным і патрабуюць прыцягнуць рэжым Лукашэнкі да адказнасці.
«Рэжым Лукашэнкі стаў пагрозай рэгіянальнай стабільнасці. Мы заклікаем беларускія ўлады спыніць гэтыя бесчалавечныя дзеянні і не падвяргаць рызыцы жыцця людзей», – падкрэсліваецца ў заяве.
Чальцы Рады Бяспекі выказваюць салідарнасць з Польшчай і Літвой і падкрэсліваюць, што гатовыя абмеркаваць далейшыя захады супраць рэжыму Лукашэнкі і тых, хто спрыяе міграцыйнаму крызісу.
РР belsat.eu