Увечары 11 верасня ў выніку расейскіх нападаў былі цалкам абясточаныя Харкаўская і Данецкая вобласці, часткова – Запарожская, Днепрапятроўская і Сумская. Пра гэта паведамляе УНІАН. На момант рыхтавання гэтай публікацыі энергазабеспячэнне яшчэ не адноўленае цалкам.
11 верасня падчас паветранай трывогі ў некалькіх вобласцях прагучалі выбухі. У выніку расейскіх нападаў былі цалкам абясточаныя Харкаўская і Данецкая вобласці, часткова – Запарожская, Днепрапятроўская і Сумская.
У Сумскай, Днепрапятроўскай і Палтаўскай вобласцях удалося цалкам аднавіць электразабеспячэнне.
Пазней сталася вядома, што расейскія войскі нанеслі ўдар па Харкаўскай ЦЭЦ. У шмат якіх раёнах гораду прапалі святло і вада. У сацыяльных сетках паведамлялі, што ў Харкаве спынілася метро.
Старшыня Харкаўскай абласной вайсковай адміністрацыі Алег Сынегубаў паведаміў пра гібель работніка прадпрыемства. На іншым аб’екце ў Чугуеўскім раёне два чалавекі атрымалі раненні, адзін з іх атрымаў выбухную траўму.
Мэр Харкава Ігар Тэрэхаў паведаміў, што метро і наземны транспарт гораду ўжо працуюць у штатным рэжыме.
Антон Тачняк belsat.eu
