Некаторыя падраздзяленні войскаў РФ на поўдні Украіны настроеныя скласці зброю і спрабуюць весці перамовы на гэты конт з Узброенымі сіламі Украіны. Пра гэта ў эфіры ўкраінскай тэлестанцыі «24 канал» у панядзелак 12 верасня расказала кіраўніца аб’яднанага прэс-цэнтру Сілаў абароны Аператыўнага камандавання «Поўдзень» Наталля Гумэнюк.
«На гэтым этапе мы ўжо маем інфармацыю, што некаторыя падраздзяленні расейскіх акупацыйных войскаў, якія праз згіны лініі фронту аказваюцца ў вельмі цяжкіх умовах, настроеныя весці перамовы з падраздзяленнямі Збройных сілаў Украіны і Сілаў абароны, спрабуюць весці гэтыя перамовы наконт умоваў, як яны складуць зброю і пяройдуць пад эгіду міжнароднага гуманітарнага права», – адзначыла Гумэнюк.
Цяпер ужо ёсць інфармацыя, што афіцэры гэтых падраздзяленняў атрымалі заданне проста пакідаць пазіцыі любым спосабам, які ім будзе на той момант даступны, то бок ісці да сваіх, або складаць зброю і выходзіць з «баявой гульні»:
«Гэта значыць, ёсць ужо пэўныя расхістванні, дэмаралізацыя – настолькі глыбокая, што нават камандаванне ўсведамляе, што ім далей рухацца няма куды».
Гумэнюк распавяла, што ўкраінскія вайскоўцы прасунуліся на некалькі дзясяткаў кіламетраў углыб пазіцый ворага. РФ ізноў перафарматавала карабельнае групаванне ў Чорным моры, дзе з порту выведзеныя вялікія дэсантныя караблі, мабыць, праз страх, што ўкраінскі ўдар можа быць нанесены па марскіх пунктах базавання.
Антон Тачняк belsat.eu