На гэтым тыдні мы адзначылі двухгоддзе самых маштабных пратэстаў у найноўшай гісторыі Беларусі. Сімвалічныя вынікі падводзілі і тыя, хто лічыць сябе дзейнымі ўладамі, і тыя, хто быў вымушаны зʼехаць з краіны. Але ў гэта не ўсе навіны апошняга тыдня, якія мастак Дэ Лёс адлюстраваў у сваіх малюнках.
На канферэнцыі «Новая Беларусь» 9 жніўня Святлана Ціханоўская абвясціла стварэнне Аб’яднанага пераходнага кабінету і назвала першых чатырох чальцоў.
Сейм Латвіі 11 жніўня прыняў заяву ў сувязі з вайною ва Украіне. Парламент заклікаў краіны Еўразвязу спыніць выдачу візаў грамадзянам Расеі і Беларусі, бо маштабнае ўварванне ва Украіну ажыццяўлялася «пры падтрыманні і ўдзеле беларускага рэжыму».
9 жніўня замест урачыстасцяў з нагоды «элегантнай перамогі» Аляксандр Лукашэнка правёў шматгадзіннае паседжанне з урадам. Абмяркоўвалі шляхі развіцця эканомікі ва ўмовах санкцыяў.
Украінскія вайскоўцы замініравалі мяжу з Беларуссю.
Украінцаў, якія жывуць у прымежных з Беларуссю паселішчах Валынскай вобласці, просяць быць асцярожнымі пры наведанні лясных масіваў і выездзе на абочыну дарог.
«Камунарка» адмовілася ад бела-чырвонага афармлення.
Набор шакаладу «Жадаю вам» вытворчасці беларускай фабрыкі «Камунарка», які раней быў выкананы ў нацыянальных белым і чырвоным колерах, цяпер бела-фіялетавы.
Малюнкі Дэ Лёс belsat.eu