З раніцы 11 жніўня пайшлі паведамленні пра затрыманні дэлегатаў платформы «Сход» і ператрусы ў іх. На раніцу 12 жніўня вядома, што частку з іх вызвалілі.
Ілюстрацыйная выява.
Фота: «Белсат»
Паводле звестак, якія даслалі «Белсату» прадстаўнікі «Сходу», і паводле Telegram-каналу «Списки задержанных», вядомыя наступныя імёны дэлегатаў, у якіх былі ператрусы:
- Наталля Абрашына-Жадаева – вызваленая пасля допыту;
- Аляксей Адамовіч – вызвалены пад падпіску аб неразгалошванні;
- Сяргей Ванінскі – вызвалены пасля допыту;
- Кацярына Вургун – вызваленая;
- Аляксей Дзеравяга – вызвалены пасля допыту;
- Максім Жукаў – вызвалены пасля допыту (паводле «Списков задержанных», у Ізалятары часовага ўтрымання на Акрэсціна ёсць Жукаў М. М.);
- Вольга Казановіч – вызваленая пасля допыту пад падпіску аб неразгалошванні;
- Пётр Карабанаў – вызвалены;
- Уладзімір Каралёў – вызвалены;
- Дзмітрый Крыванос – вызвалены;
- Васіль Лапацін – вызвалены;
- Уладзімір Мельнік – вызвалены пасля допыту;
- Раман Місачэнка – вызвалены;
- Ігар Новікаў – вызвалены;
- Алена Патаповіч – вызваленая, у статусе сведкі;
- Аляксей Плавінскі – вызвалены пасля допыту;
- Алена Радаман – вызваленая;
- Аляксандр Смольскі – вызвалены;
- Радзіслаў Фяцісаў – вызвалены пасля допыту;
- Павел Якута – вызвалены (паводле каналу «Списки задержанных»);
- Ігар Ляшчэня – у ІЧУ на Акрэсціна;
- Дзмітрый Мялешка – быў ператрус у бацькоў;
- Аляксей Багушэвіч;
- Іван Бялецкі;
- Галіна Каткоўская;
- Аляксандр Малышаў;
- Юрый Пісарчук;
- Дзяніс Садоўскі;
- Мікалай Стрэха;
- і яшчэ два дэлегаты, імёны якіх не называюць.
Не выходзяць на сувязь Алег Квяцінскі і Алена Бядуля. «Списки задержанных» паведамляюць, што ператрус быў таксама ў Юліяна Місюкевіча, ён пасля апынуўся ў Савецкім РУУС Менску, цяпер – на Акрэсціна.
Платформа народных прадстаўнікоў «Сход» была створаная як альтэрнатыва праўладнаму Усебеларускаму народнаму сходу дзеля дыялогу паміж народам і ўладамі. Дэлегатаў на «Сход» абіралі беларусы прз інтэрнэт-пляцоўку.
Hавiны
Затрымалі лідара «Гавары праўду» Андрэя Дзмітрыева
2021.08.12 15:57
АА belsat.eu