Польская школа ў Горадні плануе адкрыць першы клас з беларускай моваю навучання.
Гаворка ідзе пра школу № 36. Усе прадметы ў новым класе будуць выкладацца па-беларуску, разам з тым польская мова будзе вывучацца паглыблена, паведамляе «Гродзенская праўда».
Адзначым, што ў Горадні, насельніцтва якой складае 370 тысяч чалавек, няма ніводнай беларускамоўнай школы, а колькасць беларускамоўных класаў вымяраецца адзінкамі.
Усяго па горадзе чакаецца адкрыццё 209 першых класаў, з іх 204 з рускай, 3 з беларускім, 2 з польскай мовай навучання.
АД, belsat.eu