У ААН прагаласавалі за пачатак расследавання ваенных злачынстваў расейцаў ва Украіне
Рада ААН па правах чалавека прагаласавала за пачатак расследавання злачынстваў расейскіх вайскоўцаў ва Украіне. Выдадзеная рэзалюцыя назвала ваенныя дзеі «дзесяццю тыднямі суцэльнага жаху», паведамляе «ВВС».
Сёння адбылося галасаванне ў Рада ААН па правах чалавека аб пытанні пачатку расследавання ваенных злачынстваў расейскіх войскаў ва Украіне. Адпаведная рэзалюцыя была прынята пераважнай большасцю галасоў.
Выступаючы па відэасувязі з Кіева, намеснік міністра замежных спраў Украіны Эмінэ Джапарава сказала, што народ яе краіны перажыў «дзесяць тыдняў поўнага жаху». Вярхоўны камісар ААН па правах чалавека Мічэль Бачэле заявіла, што за апошнія тыдні ў раёнах на поўнач ад Кіева была знойдзена тысяча цел, частка гэтых людзей, мяркуючы па характары параненняў, пакаралі смерцю.
За пачатак расследавання прагаласавалі 33 краіны, 12 устрымаліся. Супраць прагаласавалі толькі Кітай і Эрытрэя.
Нагадаем, што Рада прыпыніла сяброўства Расеі ў пачатку вайны ва Украіне. Ужо ў сярэдзіне сакавіка Расея выйшла з Рады.
ЗХ belsat.eu
