Служба вайсковай контрвыведкі Польшчы (SKW) выявіла грамадзяніна Расеі, які вёў выведвальную дзейнасць на шкоду Рэспубліцы Польшча. Мужчыну затрымалі супрацоўнікі вайсковай паліцыі. Суд пастанавіў узяць яго пад варту.
З доказаў, сабраных SKW, вынікае, што інфармацыю аб баяздольнасці польскіх узброеных сілаў і войскаў NATO мужчына атрымаў на запыт расейскіх спецслужбаў. Падазраваны 18 гадоў жыве ў Польшчы і вёў свой бізнес. Па хадайніцтве пракуратуры суд пастанавіў узяць яго пад варту на тры месяцы.
Яшчэ затрыманыя двое грамадзянаў Беларусі. Сабраныя пракуратурай доказы ў іншай справе дазволілі выявіць таксама двух грамадзянаў Беларусі, якіх падазраюць у выведвальнай дзейнасці ў Польшчы на карысць беларускіх спецслужбаў. Паводле інфармацыі вайсковай паліцыі, 4 красавіка 2022 года падазраваныя былі арыштаваныя.
Гэтыя людзі падазраюцца ў шпіёнскай дзейнасці на карысць беларускіх спецслужбаў. На тэрыторыі Польшчы затрыманыя выконвалі задачы для ідэнтыфікацыі аб’ектаў, якія маюць важнае значэнне для абароны Польшчы.
Расследаванні працягваюцца.
МГМ belsat.eu
