Прэзідэнт Расеі Уладзімір Пуцін даручыў «Роскосмосу» забяспечыць падрыхтоўку і касмічны палёт прадстаўніка Беларусі, паведамляе БелТА.
«Рашэнне, аб якім хацеў бы сказаць асабліва: прашу «Роскосмос» забяспечыць неабходную падрыхтоўку і палёт на расейскім касмічным караблі прадстаўніка Беларусі. Мы гаварылі аб гэтым з Аляксандрам Рыгоравічам ужо даўно. Упэўнены, што гэта стане новай важнай вяхой нашага супрацоўніцтва ў асваенні і вывучэнні космасу», – сказаў Пуцін.
Хто будзе гэтым грамадзянінам Беларусі, які паляціць у космас, пакуль невядома.
Падчас наведвання касмадрому «Восточный» Лукашэнка і Пуцін таксама паразмаўлялі з касманаўтамі, павіншавалі іх з высокімі расейскімі дзяржузнагародамі.
МГМ, belsat.eu