Станам на раніцу 12 красавіка на выезд з Беларусі ў краіны Еўрапейскага звязу стаіць больш як 1600 цяжкавікоў. Пра гэта сведчаць звесткі Дзяржаўнага памежнага камітэту.
Станам на 08:00, найбольш фураў у чэргах на беларуска-літоўскай мяжы: больш як 480 – у «Каменным Логу», па больш як 270 – у «Беняконях» і «Катлоўцы» і больш як 180 – у «Прывалцы».
На мяжы з Латвіяй зафіксавана больш як 130 цяжкавікоў у Грыгароўшчыне і больш як 30 у «Урбанах».
На беларуска-польскай мяжы больш як 150 фураў чакаюць выезду ў пункце пропуску «Брузгі» і больш як 40 – у «Бераставіцы». Яшчэ больш 50 стаяць у «Новай Гуце», што на мяжы з Украінай.
Агулам у чэргах на выезд з Беларусі боль за 1600 цяжкавікоў. Напярэдадні іх было амаль 2000.
МГ belsat.eu