«Пул Первого» апублікаваў ліст з подпісам старшыні Еўракамісіі да Лукашэнкі

Паўафіцыйны тэлеграм-канал «Пул Первого» апублікаваў нядаўні ліст ад Урзулі фон дэр Ляен да Аляксандра Лукашэнкі.

Ліст Лукашэнку. Фота: «Пул Первого»

Ліст за 22 студзеня падпісалі старшыня Еўракамісіі Урзуля фон дэр Ляен і генеральны дырэктар Сусветнай арганізацыі здароўя Тэдрас Гебрэесус.

Ліст датычыць супрацы ў справе барацьбы з каронавірусам. Уверсе ліста змешчаны зварот: «Вашая Эксцэленцыя, спадар Аляксандр Лукашэнка, прэзідэнт Беларусі».

Лукашэнка сказаў, што ў Еўропе яго нядаўна назвалі прэзідэнтам. Гэта абверглі

Падчас выступу на УНС 11 лютага Лукашэнка заявіў, што старшыня Еўракамісіі Урзуля фон дэр Ляен у нейкім нядаўнім лісце назвала яго прэзідэнтам: «Я ўдзячны, што яны разумеюць, хто ў доме гаспадар».

Прэс-сакратар Еўрапейскай дыпламатычнай службы Пэтэр Стана заявіў, што ніякіх лістоў пасля 9 жніўня 2020 года Лукашэнку не дасылалі. Летась 18 чэрвеня яму накіравалі ліст з нагоды пераносу саміту «Усходняга партнёрства» праз пандэмію. Такія ж атрымалі і лідары пяці іншых краінаў – чальцоў арганізацыі.

Таксама ў адказе заўважаюць, што пасля выбараў, якія «не былі ні свабоднымі, ні справядлівымі», Лукашэнка пазбаўлены дэмакратычнай легітымнасці.

МГ, belsat.eu

Hавiны