Праваабаронцы «Вясны» паведамілі, што ў Менску 12 студзеня супрацоўнікамі МУС быў затрыманы грамадскі актывіст Антось Жылко.
“Як паспеў паведаміць знаёмым сам актывіст, сілавікі прыйшлі да яго ў балаклавах. У кватэры з ім таксама была Наталля Пухава. Як кажа Антось, яе таксама затрымліваюць”, – паведамілі праваабаронцы.
Таксама стала вядома пра затрыманне праваабаронцы з Барысава Алега Мацкевіча. Паведамляецца, што ў ягоным доме адбыўся ператрус. У выніку ператрусу канфіскаваная ўся тэхніка. Дзе цяпер Алег Мацкевіч, пакуль не вядома.
Праваабаронцы ўдакладняюць, на якіх падставах затрымалі актывістаў.
ЗК belsat.eu