Бяспраўнік набыў падробныя правы кіроўцы ў Расеі, але патрапіўся супрацоўнікам ДАІ


26-гадовы жыхар гораду Баранавічы набыў падробленае вадзіцельскае пасведчанне ў Расеі, але літаральна праз некалькі дзён супрацоўнікі ДАІ выявілі фальшыўку, паведамляе ГУУС Менгарвыканкаму.

Супрацоўнікі сталічнай Дзяржаўтаінспекцыі спынілі кіроўцу з несапраўдным пасведчаннем на вуліцы Бядулі. Малады чалавек прад’явіў дакументы старога ўзору. Супрацоўнікі ДАІ адразу ж западозрылі нядобрае, паколькі фармат пасведчання, што паказаў кіроўца, спынілі выдаваць яшчэ ў 2010 годзе, калі маладому чалавеку было ўсяго 17 гадоў.

Таму пасведчанне перадалі на экспертызу, якая выявіла, што бланк пасведчання і талон да яго зʼяўляюцца падробкай.

Пазней высветлілася, што 26-гадовы жыхар гораду Баранавічы наагул быў пазбаўлены права на кіраванне транспартным сродкам. Праваахоўнікам жа хлопец прызнаўся, што набыў фіктыўныя дакументы ў Расеі.

За падробку пасведчання або іншага афіцыйнага дакументу маладому чалавеку можа пагражаць пакаранне ў выглядзе грамадскіх прац, або штрафу, або папраўчых прац на тэрмін да двух гадоў, або арышту, або абмежавання волі на тэрмін да двух гадоў.

Мала таго, у дачыненні да жыхара Баранавічаў складзены пратакол за кіраванне транспартным сродкам без права кіроўцы. Пакаранне за парушэнне адміністрацыйнага артыкулу 18.19 («Кіраванне транспартным сродкам асобай, без права кіравання») прадугледжвае штрафу ў памеры ад пяці да дваццаці базавых велічыняў (ад 127, 5 да 510 рублёў).

Hавiны
У Беларусі плануюць зрабіць больш жорсткім пакаранне для пʼяных кіроўцаў
2019.07.09 17:38

СК belsat.eu

Стужка навінаў