Лукашэнку прыцягнуць да адказнасці, рэжым выкарыстоўвае Інтэрпол. Галоўнае за 11 кастрычніка
427 дзён працягваецца супрацьстаянне грамадства і ўладаў у Беларусі. «Белсат» падводзіць вынікі гэтага дня.
У Нюрнбэргу абмяркоўваюць, як прыцягнуць да адказнасці Лукашэнку
11 кастрычніка на канферэнцыі ў нямецкім горадзе Нюрнбэрг, дзе ў 1945–1946 гадах прайшоў міжнародны трыбунал над нацызмам, абмеркавалі, як арганізаваць крымінальны пераслед прадстаўнікоў беларускага рэжыму, адказных за злачынствы супраць чалавечнасці.
Нямеччына распачала расследаванне нелегальнай міграцыі з Беларусі
Нямецкія ведамствы вядуць вядуць расследаванне ў дачыненні да меркаваных арганізатараў міграцыйнага крызісу на ўсходзе ЕЗ. Дэталяў расследавання МУС краіны не агучвае.
Раней выданне «Bild am Sonntag» паведаміла, што нямецкія ўлады падазраюць ва ўзнікненні міграцыйнага крызісу Аляксандра Лукашэнку. Паводле выдання, Лукашэнка імкнецца шантажаваць ЕЗ і патрабуе зняцця санкцыяў праз арганізаваную дзяржавай кантрабанду мігрантаў. «Bild am Sonntag« паведамляе, што нямецкія ўлады цяпер разглядаюць Лукашэнку як кантрабандыста.
Рэжым Лукашэнкі выкарыстоўвае Міжнародную паліцыю
Паводле звестак ініцыятывы «ByPol« у міжнародны вышук абвяшчаюцца людзі, якія падвяргаюцца пераследу за свае палітычныя дзеянні, гаворыцца ў новым расследаванні былых беларускіх сілавікоў.
100 дзён пад арыштам за прыватную перапіску
26-гадовыя Сяргей Крупеніч і Анастасія Крупеніч-Кандрацьева з Менску ў няволі з 15 ліпеня. Іх сем разоў запар арыштоўвалі за «распаўсюд экстрэмісцкіх матэрыялаў». Паводле праваабаронцаў, гэтыя арышты ім прысудзілі за «экстрэмізм» у прыватнай перапісцы – спасылкі на розныя каналы, прызнаныя «экстрэмісцкімі».
За год кошты выраслі больш чым на 10 %
Улады не здолелі ўтрымаць гадавую інфляцыю ў Беларусі ніжэйшаю за 10 %. Індэкс спажывецкіх коштаў па выніках верасня 2021 года склаў 10,2 % у параўнанні з вераснем мінулага года.
СК belsat.eu
