МВФ запускае «віртуальную місію» для вывучэння сітуацыі ў Беларусі


Міжнародны валютны фонд заявіў, што запускае віртуальную місію ў Беларусі. Гэтае рашэнне было прынятае «на фоне заклапочанасці» з-за выплаты рэжыму Аляксандра Лукашэнкі звыш 900 мільёнаў долараў у межах падтрымкі дзяржаваў падчас змагання з пандэміяй каронавіруса.

Пра гэта паведамляе Reuters.

Місія зʼяўляецца часткай мандату МВФ па эканамічным наглядзе і маніторынгу. Яе мэта — збор дадатковай інфармацыі аб эканамічных падзеях у Беларусі і захадах уладаў у адказ на пандэмію COVID-19, заявілі ў прэс-службе МВФ.

Місія стартуе ў панядзелак, 13 верасня.

Аб’ектыў
Мільярд ад МВФ: ці скарыстаецца ім Лукашэнка?
2021.08.23 23:35

Сёлета ў жніўні Міжнародны валютны фонд ухваліў рашэнне раздаць $ 650 млрд у мэтах падвышэння ўстойлівасці дзяржаваў падчас змагання з пандэміяй каронавірусу. У тым ліку звыш 900 мільёнаў долараў у выглядзе «спецыяльных праваў пазыкі» («Special Drawing Rights», SDR) вылучылі Беларусі. У верасні сродкі былі залічаны ў золатавалютныя рэзервы Беларусі.

Пастанова МВФ вылучыць Беларусі амаль мільярд долараў выклікала хвалю абурэння: Міжнародны валютны фонд вінавацяць у тым, што такім чынам ён фінансуе дыктатарскі рэжым Лукашэнкі.

Артыкулы
Маша Забара, якая першаю выйшла на пікет да МВФ: У беларусаў за мяжою няма права здавацца
2021.08.30 08:40

ІІ belsat.eu

Стужка навінаў