Эстонія ўзмацніла ахову мяжы праз міграцыйны крызіс, справакаваны афіцыйным Менскам


У сувязі з рэзкім ростам нелегальнай міграцыі з Беларусі ў Літву Эстонія ўзмацніла ахову мяжы з Расеяй, Латвіяй, а таксама кантроль у партах. Пра гэта піша postimees.ee.

Кіраўнік памежнага кантролю Дэпартамента паліцыі і памежнай аховы Эгерт Белічаў адзначыў, што «на паўднёвым усходзе, блізу мяжы з Расеяй цяпер спакойна, але навіны з Літвы, дзе плынь уцекачоў у параўнанні з мінулым годам вырасла ў 20 разоў, выклікаюць заклапочанасць у тамтэйшых жыхароў».

«У нашым памежным ведамстве не вераць, што ў Эстоніі можа паўтарыцца літоўска-беларускі сцэнар. Але калі міграцыйныя плыні зменяць кірунак на поўнач, то Эстонія апынецца на шляху руху нелегалаў. У дэпартаменце паліцыі і памежнай аховы ўжо прынялі адпаведныя меры», – адзначыў ён.

Белічаў растлумачыў, што Эстонія будуе новую памежную інфраструктуру на ўсходняй мяжы. «Мы хочам, каб нелегальна трапіць у Эстонію было складана. Гэта тычыцца не толькі агароджы, а і ўсяго маніторынгавага абсталявання. Яно дае нам поўнае ўяўленне пра тое, што адбываецца на мяжы. Сёння мы павялічылі ўзровень гатоўнасці, частату патрулявання і колькасць патрулёў як на вонкавай мяжы Еўразвязу, так і на ўнутранай» – заявіў ён.

Hавiны
Літва атрымае ад Frontex падмацаванне для аховы мяжы з Беларуссю
2021.07.11 10:21
  • У 2021 годзе Літва фіксуе выбуховы рост незаконнай міграцыі з Беларусі. Ад пачатку года ў Літву нелегальна спрабавалі трапіць 1643 асобы. Для параўнання: у 2017 годзе літоўцы злавілі на мяжы 72 нелегальных мігрантаў, у 2018-м – 104, у 2019-м – 46, у 2020-м – 81.
  • Улады Літвы вінавацяць рэжым Лукашэнкі ў тым, што ён спрыяе нелегальнай міграцыі ў Еўразвяз і мэтанакіравана перакідвае мігрантаў да мяжы. Кіраўніцтва Літвы называе дзеянні афіцыйнага Менску гібрыднаю вайною. На найвышэйшым узроўні рэжым Лукашэнкі дэ-факта прызнае, што разглядае міграцыйнае пытанне ў якасці механізму шантажу Еўразвязу і помсты за санкцыі.
Аналітыка
Забытыя мільёны. Колькі грошай Беларусь атрымала ад Еўразвязу на ўмацаванне мяжы?
2021.07.09 07:00

ІІ belsat.eu

Стужка навінаў