Служба дзяржбяспекі Латвіі (VDD) пры падтрыманні ваеннай контрвыведкі затрымала грамадзяніна Рэспублікі Беларусь, які падазраецца ў шпіянажы ў інтарэсах беларускіх спецслужбаў, – паведамляе delfi.lv. Паводле дадзеных VDD, падазраваны здабываў інфармацыю пра аб’екты Нацыянальных узброеных сілаў Латвіі, а таксама пра абʼекты крытычнай інфраструктуры. Усю інфармацыю беларускі грамадзянін фіксаваў на фота і відэа.
У дачыненні невядомага грамадзяніна Беларусі была распачатая крымінальная справа, паводле якой яму пагражае да 10 гадоў зняволення.
У межах распачатай справы былі праведзеныя працэсуальныя дзеянні на абʼектах, звязаных з падазроным. Падчас ператрусаў забраная тэхніка і носьбіты інфармацыі. У інтарэсах следства больш падрабязнай інфармацыі пра гэтую справу пакуль не даецца.
Нагадаем, што гэта як мінімум трэці выпадак затрымання грамадзянаў Беларусі з абвінавачваннямі падобнага кшталту за апошні месяц:
ЗХ belsat.eu