Паводле звестак міжнароднага рэйтынгавае агенцтва «Moody’s», доўгатэрміновы рэйтынг Беларусі і рэйтынг незабяспечанага доўгу абваліўся на чатыры прыступкі – з «B3» да «Ca». Гэта азначае, што паказнік атрымаў адмоўнае значэнне.
Крэдытны профіль Беларусі на фоне вайсковага ўварвання Расеі ва Украіну абваліўся да адмоўнага. Агенцтва «Moodyʼs» вызначыла рэйтынг нашай краіны як «Ca». На думку «Moodyʼs», усё больш імаверным у Беларусі становіцца дэфолт.
Прычынай таму ёсць санкцыі супраць краіны праз падтрыманне палітыкі Крамля наконт уварвання ва Украіну. На канец 2021 года амаль 25 % беларускага экспарту паступала ў краны ЕЗ. Цяпер гандаль пад пытаннем.
Таксама «Moodyʼs» чакае, што дзяржаўныя пазыкі Беларусі сёлета дасягнуць 60 % ВУП. Золата-валютныя рэзервы Нацыянальнага банку здольныя забяспечыць толькі часовы буфер, які будзе хутка вычарпаны. А спадзявацца на новы крэдыты ў існай сітуацыі не выпадае.
ЛК belsat.eu