Не зважаючы ні на маразы, ні на пагрозы з боку ўладаў, у Беларусі напярэдадні Усебеларускага народнага сходу прайшлі чарговыя акцыі пратэсту.
Гэтак, 10 лютага вечаровыя маршы прайшлі ў менскіх мікрараёнах Захад і Серабранка.
Таксама выйшлі на вечаровы марш жыхары Калодзішчаў каля Менску.
Удзень на чарговую акцыю пратэсту выйшлі менскія пенсіянеры.
Людзі працягвалі стаяць у ланцугах салідарнасці і ладзіць акцыі пратэсту ў іншым фармаце.
Сярод іншага людзі пратэставалі і супраць УНС, які дзейныя ўлады ладзяць 11 і 12 лютага.
Між тым у менскай міліцыі зноў прыгразілі праціўнікам дзейнай улады, якія б хацелі пратэставаць падчас правядзення Усебеларускага народнага сходу.
Нагадаем, што людзі патрабуюць адстаўкі Аляксандра Лукашэнкі, спынення і расследавання гвалту з боку сілавікоў, вызвалення палітычных вязняў.
МГ, belsat.eu