Еўрапарламент прыняў рэзалюцыю, якая патрабуе прыпыніць запуск беларускай АЭС у Астраўцы, паведамляе ТАСС.
На гэткі крок дэпутаты пайшлі праз асцярогу ў сувязі з бяспечнасцю станцыі. За дакумент выступілі 642 чалавекі, 29 – супраць, яшчэ 21 дэпутат устрымаўся.
Летась, 7 лістапада, Аляксандр Лукашэнка ўрачыста адкрыў АЭС, а ўжо праз два дні на першым энергаблоку спынілі турбіну. Тады МЗС Літвы накіраваў Беларусі ноту, у якой заклікаў суседзяў прыпыніць запуск cтанцыі, пакуль не будуць выкананыя найбольш высокія стандарты ядзернай бяспекі.