Тым часам трэба ствараць запасы для сталічнага стабілізацыйнага фонду.
Паводле агенцтва «БелТА», максімальныя адпускныя цэны на свініну і ялавічыну (тушы) павысяцца з 4 кастрычніка на 30 %.
У каментары да адпаведнага рашэння Міністэрства эканомікі гаворыцца пра стратнасць вытворчасці ды патрэбу «своечасова закласці мяса ў стабілізацыйны фонд гораду Менску». Запасы з фонду выкарыстоўваюць для аб’ектаў грамадскага харчавання закрытай сеткі (прамысловых прадпрыемстваў, лячэбна-аздараўляльных і навучальных установаў).
Харчовыя стабілізацыйныя фонды існуюць у некаторых рэгіёнах Казахстану і Расеі. Іх ствараюць дзеля падтрымкі мясцовых вытворцаў і стрымлівання коштаў на прадукты.
belsat.eu