Улады Японіі дапамогуць мігрантам, якія захраслі на беларуска-польскай мяжы. Яны перададуць Міжнароднай арганізацыі па міграцыі 500 тысяч долараў на «паляпшэнне гуманітарнай сітуацыі ў Беларусі». Такое рашэнне прыняў японскі ўрад 10 снежня.
Выдзеленыя сродкі будуць накіраваны на прадастаўленне прадуктаў харчавання, медыцынскага забеспячэння, адзення і абароны тым, хто мае намер перасекчы беларускую мяжу.
Таксама ў паведамленні гаворыцца, што дапамога будзе накіравана на падтрымку ўразлівых людзей у Беларусі, у тым ліку на прыгранічныя раёны з суседнімі краінамі ЕЗ, а таксама на садзейнічанне паляпшэнню гуманітарных умоў.
АД, belsat.eu