Рух па новым пешаходным мастку праз раку Свіслач у раёне вуліцы Зыбіцкай у Менску часова перакрыты. Пра гэта паведамілі агенцтву «Минск-Новости» ў адміністрацыі Цэнтральнага раёну.
Новы мост праз Свіслач.
Фота: citydog.io
«У сувязі з правядзеннем будаўніча-мантажных работ па ўладкаванні навясной канструкцыі ў рамках рэалізацыі аб’екта і забеспячэння бяспекі часова перакрыты рух па пешаходным мосце», – растлумачылі ў адміністрацыі.
Скончыць працы плануецца 25 лістапада.
Пешаходны «іржавы» мост, які злучае два берагі Свіслачы ў раёне Зыбіцкай, адкрыўся ў сярэдзіне кастрычніка. Ён быў запланаваны ў рамках забудовы гатэля Hilton на месцы былой больніцы ў сценах Траецкага манастыра базыльянак.
Мост выкананы з картэнавай сталі, колер якой нагадвае іржу.
Hавiны
У Індыі абваліўся мост: не менш за 60 чалавек загінулі
2022.10.30 21:23
Якуб Хруст belsat.eu
