Мігранты перайшлі беларуска-польскую мяжу каля Крынак і Белавежы

З тэрыторыі Беларусі ў Польшчу трапілі дзве вялікія групы мігрантаў. У ваколіцах Крынак і Белавежы групы як мінімум з некалькіх дзясяткаў замежнікаў прарвалі агароджу, паведаміла 9 лістапада ўвечары Польскае радыё Беласток.

Паводле Радыё Беласток, Памежная Ахова паведамляе, што частку мігрантаў атрымалася вярнуць назад да лініі мяжы. Іншых яшчэ шукаюць. Прэс-сакратар падляскага аддзелу памежнай аховы Катажына Здановіч паведаміла, што ў абодвух выпадках агароджы былі гвалтоўна прабітыя.

«Калі нешта здарыцца, мы першыя, хто сустрэнецца з гэтымі людзьмі». Што кажуць жыхары беларуска-польскага памежжа

У той жа час спакайней у лагеры перасяленцаў каля Кузніцы. На беларускім баку застаюцца не менш за некалькі сотняў чалавек. Як паведамляюць польскія службы, 9 лістапада мігранты атрымалі ад беларусаў ежу. У замежнікаў ёсць намёты, спальныя мяшкі, увечары яны распальваюць вогнішчы, каб сагрэцца. За імі пастаянна сочаць беларускія службы.

Польшча закрывае рух праз памежны пераход «Кузніца»

ГГ, belsat.eu

Падпісвайся на telegram Белсату

Hавiны