Галоўнае за дзень: забітыя мігранты, прысуд Дзядку і абвінавачванне Гарбуновай


«Белсат» падводзіць вынікі 10 лістапада – 457-га дня супрацьстаяння беларускага народу і ўладаў пасля фальсіфікаваных прэзідэнцкіх выбараў і гвалту сілавікоў.

Мігранцкі крызіс

Мігранты каля польскай мяжы, блізу пункту пропуску «Кузніца». 10 кастрычніка 2021 года.
Фота: Terytorialsi / Twitter

З тэрыторыі Беларусі ў Польшчу трапілі дзве вялікія групы мігрантаў. У ваколіцах Крынак і Белавежы групы як мінімум з некалькіх дзясяткаў замежнікаў прарвалі агароджу, паведаміла 9 лістапада ўвечары Польскае радыё Беласток.

Паводле Радыё Беласток, Памежная Ахова паведамляе, што частку мігрантаў атрымалася вярнуць назад да лініі мяжы. Іншых яшчэ шукаюць. Прэс-сакратар падляскага аддзелу памежнай аховы Катажына Здановіч паведаміла, што ў абодвух выпадках агароджы былі гвалтоўна прабітыя.

Hавiны
Мігранты перайшлі беларуска-польскую мяжу каля Крынак і Белавежы
2021.11.10 08:47

Памежны камітэт Беларусі ў сваім афіцыйным тэлеграм-канале распавядае, што ноччу 10 лістапада ў лагеры ўцекачоў на беларуска-польскай мяжы былі знойдзеныя чацвёра мужчын са слядамі фізічнага гвалту.

Збітыя мігранты, паводле беларускіх памежнікаў, – курды. Пацярпелыя нібыта распавялі, што іх затрымалі на тэрыторыі Польшчы. Мяркуючы па траўмах, польскія сілавікі з прымяненнем сілы выцеснілі мігрантаў за агароджу назад у Беларусь, робіць выснову Памежны камітэт.

Hавiны
Памежны камітэт Беларусі паведамляе пра чацвярых збітых уцекачоў
2021.11.10 09:15

На польска-беларускай мяжы ёсць мусульманскія могілкі – мізары. І мясцовыя мусульмане, якія жывуць там прынамсі з часоў Яна III Сабескага, гатовыя пахаваць загінулых мігрантаў.

Hавiны
Загінулых мігрантаў прапанавалі пахаваць у Крушынянах, што блізу Кузніцы
2021.11.10 12:42

Польскія ўлады разглядаюць варыянт поўнага закрыцця мяжы з Беларуссю ў сувязі з міграцыйным крызісам на мяжы.

Пра магчымасць закрыцця мяжы распавёў прэс-сакратар ураду Польшчы Пётр Мюллер парталу Wirtualna Polska:

«У далейшых сцэнарах такі варыянт улічваецца. Цяпер мы адназначна накіроўваем па дыпламатычным і афіцыйным каналам такую інфармацыю беларускім уладам, што такая пагроза існуе, калі беларускія ўлады не спыняць гібрыдную вайну на мяжы».

Hавiны
Польшча можа цалкам закрыць мяжу з Беларуссю
2021.11.10 13:03

Прысуд Міколу Дзядку

Мікалай Дзядок.
Фота: Новы Час

У Менскім гарадскім судзе 10 лістапада вынеслі прысуд 33-гадоваму палітзняволенаму блогеру і актывісту анархічнага руху Міколу Дзядку. Суддзя Анастасія Папко пакарала Дзядка 5 гадамі зняволення, паведамляе праваабарончы цэнтр «Вясна».

Стужка навінаў