«Гераічныя людзі, якія не скарыліся». Пазняк выказаўся пра Зельцара і ягоную жонку


Зянон Пазняк. Скрын з відэа Белсату

Старшыня Кансерватыўна-хрысціянскай партыі–БНФ Зянон Пазняк выказаўся ў Facebook пра забітага працаўнікамі КДБ Андрэя Зельцара і ягоную жонку Марыю Успенскую.

«Андрэй Зельцар і яго жонка – гераічныя людзі, якія не скарыліся і абаранялі сябе, свой гонар і свабоду ад бандытаў. Праўда, права і закон на іхным баку», – падкрэсліў Пазняк.

Пры гэтым, паводле яго, «складваецца ўражанне, што кагэбіста «Нірвану» застрэлілі самыя кагэбісты».

Hавiны
Што вядома пра забітага сілавікамі Андрэя Зельцара
2021.09.29 18:51

«Магчыма, тут выпадак сярод бесталковых, які прапаганда хоча скарыстаць, каб спусціць хвалю масавых рэпрэсій супраць беларусаў перад псеўдарэфэрэндумам і падпісаннем каланіяльных «дарожных карт».

Я думаю, што праўда пра забойства Андрэя Зельцара яшчэ выйдзе наверх. А беларусы зноў паглядзелі на сапраўдны твар рускіх акупантаў (генералаў ды палкоўнікаў) на службе ў рэжыму, пачулі іхнюю рыторыку, перад якой нават гітлерскія нацыянал-сацыялісты выглядалі не горш», – мяркуе Пазняк.

Hавiны
Удаву Андрэя Зельцара перавялі ў СІЗА №1
2021.10.09 21:14

Згодна з афіцыйнай версіяй, 28 верасня супрацоўнік EPAM Андрэй Зельцар застрэліў супрацоўніка КДБ Дзмітрыя Федасюка пасля таго, як сілавікі ўварваліся да яго ў кватэру. Пасля чаго Зельцар быў забіты агнём у адказ, а ягоная жонка арыштаваная нібыта за саўдзел злачынстве. Аднак існуе неафіцыйная версія, паводле якой Федасюк мог выпадкова трапіць пад агонь сваіх напарнікаў, і менавіта сілавікі нанеслі яму смяротныя раненні.

МГ belsat.eu

Стужка навінаў