Паводле прэс-службы Еўрапарламенту, абмеркаванне адбудзецца ў панядзелак, 12 ліпеня, у межах паседжання платформы па барацьбе з беспакаранасцю ў Беларусі.
Гэта будзе ўжо другое паседжанне створанай у Еўрапарламенце платформы па барацьбе з беспакаранасцю ў Беларусі. Тэма абмеркавання – сітуацыя з незалежнай прэсай і магчымыя захады па падтрыманню журналістаў у святле масавых палітычных рэпрэсіяў у Беларусі.
Сярод удзельнікаў сустрэчы заяўлены спецыяльны дакладчык ААН ў пытаннях абароны права на свабоду меркаванняў і іх свабоднае выказванне Айрын Кхан, прадстаўніца АБСЕ па пытаннях свабоды СМІ Тэрэза Рыбэйру, адзін з кіраўнікоў праваабарончай арганізацыі «Рэпарцёры без межаў» Антуан Бернар.
Нагадаем, 8-9 ліпеня ў Беларусі прайшла хваля арыштаў незалежных журналістаў, ператрусы ў іх кватэрах і рэдакцыях недзяржаўных медыяў. У КДБ дзеянні сілавікоў назвалі «шырокамаштабнай аперацыяй па зачыстцы ад радыкальна настроеных асобаў».
ІІ belsat.eu
