Мінінфарацыі абурылася адлучэннем тэлеканалу ад спадарожнікавай трансляцыі

Міністэрства інфармацыі Беларусі выказала абурэнне пастановаю кампаніі «GlobeCast» аб адлучэнні тэлеканалу «Беларусь-24» ад спадарожнікавай трансляцыі. Цяпер прадукцыя дзяржаўнага тэлеканалу стала недаступнай у шэрагу краінаў еўрапейскага і ціхаакіянскага рэгіёну, паведамляе ведамства.

Міністэрства інфармацыі Беларусі лічыць абуральным той факт, што дзяржаўны тэлеканал «Беларусь-24» адлучылі ад спадарожнікавай трансляцыі.

«Адміністрацыя кампаніі «GlobeCast» нават не знайшла часу афіцыйна апавясціць сваіх шматгадовых партнёраў з Белтэлерадыёкампаніі пра намер спыніць супрацу», – абураюцца беларускія чыноўнікі.

Міністэрства інфармацыі лічыць, што ў дачыненні дзяржаўнага тэлеканалу паступілі беззаконна і гэты крок сведчыць пра татальную стэрылізацыю інфармацыйнай прасторы заходніх краінаў.

Пры гэтым у Мінінфармацыі не бачаць, што ўлады фактычна цалкам знішчылі недзяржаўныя рэдакцыі ў краіне. За кратамі цяпер некалькі дзясяткаў журналістаў, якіх арыштавалі за іхную прафесійную дзейнасць. Не бачаць чыноўнікі і распальвання варажнечы ды іншых парушэнняў заканадаўства ў выступах на тэлебачанні з боку прапагандыстаў.

На сайце ведамства пасля навіны пра абурэнне адлучэннем выстаўленая таксама інфармацыя пра прызнанне новых рэсурсаў экстрэмісцкімі.

Міністэрства інфармацыі вынесла папярэджанне «Русскому радио»

Алена Аляксандрава belsat.eu

Падпісвайся на telegram Белсату

Hавiны