ЕЗ можа ўвесці санкцыі ў дачыненні да 71 чалавека і сямі арганізацыяў з Беларусі. Пра гэта паведамляе «Bloomberg» са спасылкай на ўласную крыніцу.
Спіс уключае суддзяў і пракурораў, якія ўдзельнічалі ў вынясенні прысудаў удзельнікам акцый пратэсту, а таксама парламентарыяў, прадстаўнікоў дзяржаўных і праваахоўных органаў, а таксама кіраўнікоў прадпрыемстваў, звязаных з рэжымам.
Ёсць таксама некалькі кампаній і экспарцёраў з розных галін, якія абвінавачваюцца ў падтрымцы ўрада Лукашэнкі і рэпрэсіях супраць грамадзянскай супольнасці.
«Bloomberg» удакладняе, што тэрміны ўвядзення гэтых магчымых санкцый будуць залежаць ад здольнасці ўрадаў краін Еўразвязу прыйсці да пагаднення.
Пры гэтым у ЕЗ працягваецца праца над эканамічнымі санкцыямі. Канкрэтныя сектары беларускай эканомікі, якія маюць патрапіць пад іх, пакуль не вызначаныя. У прыватнасці, абмяркоўваецца магчымасць увядзення санкцыяў супраць калійнай вытворчасці.
МГ belsat.eu