Адвакатку Марыю Колесаву-Гудзіліну пазбавілі ліцэнзіі на дзейнасць

Адвакатку Марыю Колесаву-Гудзіліну, якая ў тым ліку абараняла абвінавачваных паводле «палітычных» артыкулаў, выключылі з калегіі адвакатаў.

Марыя Колесава-Гудзіліна. Фота: kolesovahudz/Twitter

Пра гэта Колесава-Гудзіліна напісала ў Twitter:

«Усё. Не адвакат. Калегі пастанавілі выключыць мяне са сваіх шэрагаў».

Марыя абараняла былога следчага Яўгена Юшкевіча, блогера Эдуарда Пальчыса, якіх праваабаронцы прызналі палітычнымі вязнямі. Таксама выступала адвакатам у справе аб захоўванні наркотыкаў музыкам Цімам Беларускіх.

У красавіку Марыя не прайшла атэстацыі ў кваліфікацыйнай камісіі Міністэрства юстыцыі.

Раней міністр юстыцыі Сяргей Хаменка даў справаздачу Лукашэнку, што ў 2021 годзе 47 «дэструктыўна настроеных адвакатаў» пазбавіліся ліцэнзіяў. Тады Лукашэнка выказаўся, каб адвакаты былі дзяржаўнымі асобамі і не кіраваліся ў сваёй працы прынцыпамі свабоды слова.

Лукашэнка: Адвакат павінен дзеяць паводле закону, а не нейкіх прыдуманых нормаў – свабоды слова ды іншых свабодаў

АД belsat.eu

Падпісвайся на telegram Белсату

Hавiны