Пры выездзе з Беларусі на мяжы з краінамі ЕЗ утварыліся вялікія чэргі грузавых аўтамабіляў. Некаторыя кіроўцы вымушаныя чакаць некалькі гадзінаў на мытны агляд, паведамляе сайт Дзяржаўнага памежнага камітэту.
Найбольшая чарга грузавікоў цяпер на беларуска-літоўскай мяжы. На памежным пераходзе Каменны Лог цяпер больш за 350 грузавікоў. Больш за 200 ціраў на памежным пераходзе Катлоўка. На памежных пераходах з Латвіяй таксама чэргі ў якіх стаяць і чакаюць на мытны агляд больш за дзве сотні грузавікоў. Больш за паўсотні машын сабраліся на беларуска-польскай мяжы.
Такія звесткі пра чэргі агучвае Дзяржпамежны камітэт на 16 гадзіну.
СК belsat.eu