У вёсцы Зембін у Вербную нядзелю абрынулася частка каталіцкага касцёлу, паведамляе карэспандэнт «Белсату».
Касцёл Унебаўзяцця Найсвяцейшай Панны Марыі месціцца ў вёсцы Зембін, што ў Барысаўскім раёне. Ён прызнаны гістарычным помнікам і лічыцца пад «аховай дзяржавы».
Касцёл Унебаўзяцця Найсвяцейшай Панны Марыі ў вёсцы Зембін, Барысаўскі раён, Менская вобласць. 10 красавіка 2022 г. Фота: Белсат
У XIX стагоддзі быў канфіскаваны ў даход дзяржавы і адноўлены як касцёл у самым пачатку XX стагоддзя. Яго нават паспелі адрэстаўраваць, але ў 1932 годзе савецкая ўлада зноў яго закрыла. З тых часоў касцёл паступова руйнаваўся. Цяпер ад яго заставалася толькі франтальная сцяна са скульптурай Панны Марыі пад крыжам і горы цэглы паміж рэшткамі сценаў усярэдзіне.