Павел Латушка ўзяў удзел у акцыі ўшанавання памяці ахвяраў Бухэнвальду і Доры замест беларускай дэлегацыі
У Нямеччыне 10 красавіка адбыўся шэраг падзеяў, прысвечаных ушанаванню памяці вязняў канцлагераў Бухэнвальд і Дора. У якасці прадстаўніка Беларусі быў запрошаны Павел Латушка.
Ён атрымаў запрашэнне ад Нямецкага фонду памяці.
Кіраўнік НАУ разам з прадстаўнікамі грамадзянскай супольнасці Украіны і Расеі зачытаў клятву ў памяць пра загінулых вязняў канцлагеру ў 77-ю гадавіну яго вызвалення.
Сёлета афіцыйныя дэлегацыі Расеі і Беларусі папрасілі не прыязджаць на памятныя падзеі, прысвечаныя вызваленню канцлагераў Бухэнвальд і Дора. Прычынаю стала гібель украінскага вязня Бухэнвальду, 96-гадовага Барыса Раманчанкі, які загінуў у выніку абстрэлу Харкава расейскімі войскамі 21 сакавіка. Ён быў віцэ-прэзідэнтам Міжнароднага камітэту Бухэнвальду – Доры.
АД belsat.eu
