«Спакойна не будзе». Лукашэнка даручыў не дапусціць удару ў спіну расейскім войскам
10.03.202212:33
Аляксандр Лукашэнка 10 сакавіка на нарадзе з кіраўніцтвам Міністэрства абароны заявіў, «што ў бліжэйшай і сярэднетэрміновай перспектыве пагрозы ваеннай бяспекі нашай краіне будуць на ўзроўні высокага абвастрэння».
Нарада ў Аляксандра Лукашэнкі 10 сакавіка.
Фота: прэс-служба Лукашэнкі
«Спакойна не будзе», – цытуе Лукашэнку ягоная прэс-служба.
У сувязі з гэтым ён даручыў узмацніць ахову дзяржаўнай мяжы, каб не дапусціць удару ў спіну расейскім войскам:
«Каб яны не змаглі перарэзаць шляхоў забеспячэння арміі Расейскай Федэрацыі. Каб яны не змаглі зайсці ў тыл і нанесці з тылу ўдар па людзях з Расеі».
Ён таксама распавёў, што пасля размовы з Уладзімірам Пуціным даручыў беларускім адмыслоўцам забяспечыць энергазабеспячэнне Чарнобыльскай АЭС, якая цяпер пад кантролем расейскіх вайскоўцаў.
Hавiны
Затрымалі жыхароў Мазыра, якія хацелі знішчыць расейскую вайсковую тэхніку
2022.03.10 10:25
ПС belsat.eu
