Палітзняволеную Марыю Калеснікаву этапавалі з СІЗА № 1. Пры гэтым адвакаты Марыі не ведаюць, куды яе накіравалі, паведамляе Telegram-канал Віктара Бабарыкі.
Адвакаты Марыі Калеснікавай высвятляюць, куды накіравалі іх падабаронную. Вядома, што палітзняволенай у СІЗА № 1 ужо няма, яе этапавалі, але абаронцам пра гэта не паведамілі.
Максіма Знака этапавалі ў Віцебскую калонію.
Марыю Калеснікаву і Максіма Знака абвінавацілі паводле трох артыкулаў: «Змова з мэтай захопу ўлады», «Стварэнне экстрэмісцкага фармавання» і «Публічныя заклікі да дзеянняў, якія пагражаюць нацыянальнай бяспецы». Менскі абласны суд прызнаў палітвязняў вінаватымі і прысудзіў Марыі Калеснікавай 11 гадоў пазбаўлення волі, Максіму Знаку 10 гадоў.
СЛ belsat.eu