1,5 млн грэкаў выйшлі на вуліцу з патрабаваннем змяніць назву суседняй дзяржавы


Удзельнікі пратэсту мяркуюць, што Македонія «скрала» назву аднайменнай паўночнай грэчаскай правінцыі.

Пратэстоўцы сабраліся на плошчы Сінтагма ў Афінах, дзе сабралася не менш за 1,5 млн чалавек. Пра гэта заявілі арганізатары мітынгу, паведамляе «Еўрапейская праўда» са спасылкай на выданне «Protothema».

Шмат людзей прыехалі ў сталіцу Грэцыі ў нацыянальных касцюмах правінцыі Македонія. Паводле мясцовай паліцыі, у акцыі пратэсту ўзялі ўдзел 140 000 чалавек. Удзельнікі акцыі прыехалі ў Афіны з усіх куткоў Грэцыі, у тым ліку з Крыта, Пелапанеса і Іанічных выспаў.

Спрэчка паміж Грэцыяй і Македоніяй (раней частка Югаславіі) працягваецца з 1991 года, калі былая югаслаўская рэспубліка здабыла незалежнасць.

Напрыканцы студзеня ўлады Македоніі паведамілі пра планы правесці агульнанацыянальны рэферэндум, на якім вырашыцца пытанне змены назвы краіны.

ЮВ, belsat.eu, паводле eurointegration.com.ua

Стужка навінаў