Міністр абароны Расеі Сяргей Шайгу аддаў загад вывесці войскі з Херсону на левы бераг Дняпра. Паведамляецца, што адвод войск адбудзецца ў бліжэйшы час.
Камандуючы аб’яднанай групоўкі войскаў Сяргей Суравікін пацвердзіў, што адвод войскаў РФ з Херсону адбудзецца ў бліжэйшы час. Міністр абароны Расеі Сяргей Шайгу аддаў загад вывесці войскі з Херсону на левы бераг Дняпра.
«Для нас жыццё і здароўе расейскіх вайскоўцаў заўсёды з’яўляецца прыярытэтам. Мы мусім прымаць да ўвагі і пагрозу для грамадзянскага насельніцтва. Пераканайцеся, што ўсе ахвочыя з ліку цывільнага насельніцтва змаглі зʼехаць. Прыступайце да адводу войскаў і прыміце ўсе захады, каб забяспечыць бяспечную перакідку асабовага складу, узбраення і тэхнікі за раку Днепр», – заявіў Шайгу.
Пры гэтым кіраўніцтва расейскай арміі мае намер замацавацца на левым берагу Дняпра і арганізаваць тут лінію абароны.
Украінскія медыі стрымана адрэагавалі на паведамленне Шайгу пра вывад войск з Херсону.
Херсон быў адзіным абласным цэнтрам Украіны, які расейская армія ўзяла з пачатку ўварвання ва Украіну. Цяпер расейцы вымушаныя адступіць. Расейцы захапілі Херсон 3 сакавіка, а 30 верасня пасля так званых рэферэндумаў, Херсонскую вобласць уключылі ў складзе Расеі.
Пасля наступу контрнаступу ЗСУ, расейскія ўлады ў горадзе распачалі эвакуацыю насельніцтва на левы бераг Дняпра. Пры гэтым расейскі бок сцвярджаў, што Украіна мае намер падарваць плаціну Херсонскай ГЭС і затапіць горад разам з людзьмі.
9 лістапада расейскія войскі падарвалі ўсе масты каля Херсону. У гэты ж дзень стала вядома пра смерць намесніка кіраўніка акупацыйнай адміністрацыі Херсону Кірыла Страмавусава.
Прадстаўніца МЗС Расеі Марыя Захарава выступіла з паведамленнем, што РФ гатовая да перамоваў з Украінай.
Алена Аляксандрава belsat.eu