10 верасня пачнецца суд аб ліквідацыі Беларускага Хельсінкскага камітэту

10 верасня а 10:00 у Вярхоўным Судзе пройдзе папярэдняе паседжанне наконт пазову аб ліквідацыі Беларускага Хельсінкскага камітэту (БХК). Пра гэта паведамляе тэлеграм-канал праваабарончай арганізацыі.

7 верасня БХК атрымаў з Вярхоўнага Суда ліст з пазовам Міністэрства юстыцыі аб ліквідацыі арганізацыі на падставе «грубага парушэння заканадаўства», якое нібыта дапусціла праваабарончая арганізацыя. Паводле заявы, Міністэрства юстыцыі ў выніку следчых дзеянняў у неназванай крымінальнай справе атрымала дакументы ў дачыненні двух чалавек, якім БХК нібыта аплаціў ганарары за «паслугі доўгатэрміновага назірання за выбарамі прэзідэнта Рэспублікі Беларусь 2020 года».

«Нам невядома, пра якую крымінальную справу і ў дачыненні каго ідзецца. Відавочна, што выкарыстоўваць матэрыялы крымінальнай справы, якія яшчэ не ацэньваліся судом у межах судовага разбору паводле крымінальнай справы, неправамерна», – адзначаюць у арганізацыі.

Праваабаронцы лічаць, што рашэнне Вярхоўнага Суда ў справе аб ліквідацыі БХК можа парушыць права на абарону людзей, якія праходзяць паводле крымінальнай справы.

«Прасілі сказаць, што не ўсе сілавікі кепскія». Праваабаронца Наста Лойка падзялілася падрабязнасцямі сваёй справы

У ліпені ўлады распачалі беспрэцэдэнтную паводле маштабаў зачыстку НДА. На канец жніўня ўлады зліквідавалі або пачалі працэс ліквідацыі каля 200 некамерцыйных арганізацыяў.

Суд ліквідаваў Беларускую асацыяцыю журналістаў

ІІ belsat.eu

Падпісвайся на telegram Белсату

Hавiны