«Белнафтахім» прыпыніў прапампоўванне нафты па нафтаправодзе «Дружба» да 13 верасня. Пра гэта паведаміў ТАСС афіцыйны прадстаўнік кампаніі «Транснефть» Ігар Дзёмін.
Транзіт нафты ў напрамку Славаччыны і Вугоршчыны прыпынілі праз прыём нафты па трубаправодзе Адэса – Броды.
«Да 13 верасня «Белнафтахім» спыніў прапампоўванне па магістральным нафтаправодзе «Дружба» ў кірунку на Будкавіцэ і Фенешліткэ, запусціўшы яе ў рэверс праз прыём партыі нафты па нафтаправодзе Адэса – Броды на тэрыторыю Беларусі», – сказаў ён.
У «Белнафтахіме» заявілі, што ніякай экстраннасці няма. «Усе штатна і ўзгоднена ў межах плану графіку прапампоўвання нафты, без шкоды для прапампоўвання неабходных абʼёмаў у напрамку Вугоршчыны», – цытуе кампанію БелТА.
Нагадаем, нафтаправод «Дружба» забяспечвае пастаўкі нафты на беларускія НПЗ і яе транзіт у Еўропу.
ІІ belsat.eu