Лічбы з «экстрэмісцкай» статыстыкі прывёў у інтэрв’ю «СБ. Беларусь сегодня» начальнік ГУБАЗіК МУС Міхаіл Бедункевіч.
Паводле падлікаў ГУБАЗіК, на сённяшні дзень у Беларусі 58 групаў грамадзянаў прызнаныя экстрэмісцкімі фармаваннямі. А ў Спіс грамадзянаў Рэспублікі Беларусь, замежных грамадзянаў і асобаў без грамадзянства, датычных да экстрэмісцкай дзейнасці, унесеныя 448 чалавек.
Сілавікам вядомыя 160 уласнікаў і адміністратараў тэлеграм-каналаў, прызнаных экстрэмісцкімі. Міхаіл Бедункевіч сцвярджае, што пасля прызнання гэтых тэлеграм-каналаў экстрэмісцкімі, ад іх адпісаліся амаль 500 тысяч чалавек.
Агулам 372 інтэрнэт-рэсурсы прызнаныя экстрэмісцкімі матэрыяламі.
Цягам 2020-22 гадоў ГУБАЗіК зафіксаваў «як мінімум 12 рэзанансных фактаў фінансавання экстрэмісцкай дзейнасці».
Сілавікі вызначылі больш 100 удзельнікаў BYPOL і плану «Перамога». Паводле статыстыкі МУС, 79% абвешчаных у Беларусі ў вышук, выехалі за мяжу.
Марыя Міхалевіч belsat.eu
