Цягам бліжэйшых двух дзён улады Іраку вывезуць 280 грамадзянаў сваёй краіны, якія пажадалі пакінуць Беларусь. Пра гэта паведамляе МЗС Іраку.
Прадстаўнік іракскага МЗС Ахмэд ас-Сахаф распавёў, што сёння з Менску ў Багдад вылеціць самалёт кампаніі «Fly Baghdad», на борце якога будзе каля 80 асобаў.
«Авіякампанія заўтра будзе здзяйсняць рэйс, на які, паводле звестак на гэты момант, зарэгістраваліся 200 асобаў», – паведамляе МЗС Іраку.
Дыпламатычнае прадстаўніцтва ў Менску таксама пачало выдаваць транзітныя пашпарты грамадзянам краіны, якія страцілі свае дакументы і жадаюць вярнуцца дадому.
СК belsat.eu