«Беларускі Гаюн»: у Беларусі назіраецца ўзмацненне авіяцыйных трэнаванняў

Маніторынгавая група «Беларускі Гаюн» паведамляе, што трэнаванні адбываюцца на пяці аэрадромах у Беларусі і ўключаюць у сябе дэсантаванне.

«Беларускі Гаюн» інфармуе, што вучэнні на беларускіх палігонах працягнутыя прынамсі да 16 ліпеня. Але пры гэтым трэнаванні адбываюцца не толькі ў спецыяльна адведзеных месцах.

«Асобна варта сказаць пра прыкметнае павелічэнне колькасці трэнаванняў на вайсковых аэрадромах у Баранавічах, Мачулішчах, Лідзе, Лунінцы і Бабруйску»

Пачынаючы з 16 чэрвеня на аэрадром у Баранавічах перыядычна адбываецца трэнавальнае высаджванне дэсанту з верталёта Мі-8 ВПС Беларусі.

«Звычайна такія трэнаванні праходзяць пару разоў на год, але за тры тыдні ўжо перавышаная іх гадавая норма», – дадаюць у маніторынгавай групе.

Пры гэтым актывізацыя авіяцыйных трэнаванняў карэлюецца з прыбыццём у Баранавічы 20 пілотаў з Расеі.

Да нетыповых вучэнняў «Беларускі Гаюн» таксама адносіць частае высаджванне дэсанту ў Мачулішчах.

8 ліпеня ўпершыню высаджванне дэсанту з верталёта Мі-8 адпрацоўвалася ў Ельскім раёне. Двойчы з 6 ліпеня дэсантаванне праходзіла на аэрадроме ў Бабруйску.

Акрамя таго, аднаўленне трэнавальных палётаў фіксуецца ў Лунінцы і Лідзе.

Новы віток эскалацыі. Што трэба ведаць пра пагрозу ўцягвання Беларусі ў вайну супраць Украіны

Глеб Нержын belsat.eu

Падпісвайся на telegram Белсату

Hавiны