Бар’ер пакуль з дроту і толькі на 30 км мяжы, што найбольш непакояць памежнікаў.
Літоўскія вайскоўцы пачалі ўсталёўваць дадатковую агароджу на мяжы Літвы і Беларусі, піша «Delfi». Бар’ер з дроту ставяць у раёне Друскінінкаю (Друскенікаў) на 30-кіламетровым участку. Памежнікі не бяруць удзелу ў працах, але падказалі самы «неспакойны» адцінак.
І гэтым наўрад ці абмяжуюцца: у панядзелак прэзідэнт Літвы склікае Дзяржаўную раду абароны, каб абмеркаваць ахову межаў.
Паводле літоўскіх службоўцаў, з пачатку 2021 года на мяжы з Беларуссю затрымалі ўжо 1546 асобаў, якія пераходзілі мяжу незаконна. Большая частка з іх – грамадзяне Іраку.
АА belsat.eu