У сталіцы Польшчы 9 траўня адбыўся напад на амбасадара Расеі Сяргея Андрэева. Відэа інцыдэнту апублікаваў журналіст Яўген Клімакін.
Дыпламата аблілі чырвонаю фарбаю, калі той паспрабаваў ускласці вянок на магілу савецкіх воінаў.
Прыходу амбасадара чакалі дэманстранты. Яны крычалі па-ўкраінску і па-польску «Злачынцы!», «Фашысты!» і «Рашысты!», а таксама знакамітыя крычалкі пра Уладзіміра Пуціна і расейскі карабель.
У выніку Андрэеў не здолеў ускласці вянок і ў суправаджэнні паліцыі пакінуў месца пад крыкі «Ганьба!».
На відэа падзеі ад расейскага выдання «РИА Новости» гук адсутнічае.
МЗС РФ выступіла з каментаром
З каментаром адносна здарэння ўжо выступіла МЗС Расеі:
«Нас не запалохаць, прыхільнікі неанацызму чарговы раз агалілі свой твар – і ён крывавы».
А кіраўнік думскага Камітэту сувязяў з суайчыннікамі Леанід Калашнікаў заявіў, што нападзенне на расейскага пасла ў Польшчы чаканае, «такія акцыі могуць прывесці да таго, што паслы ўжо будуць не патрэбныя».
ПС belsat.eu
