«Карта памяці» – фотапраект Аляксандра Васюковіча, на які ў 2014 годзе яго натхніў дзядуля, ветэран і ўдзельнік Вялікай Айчыннай вайны Васіль Фёдаравіч. На травеньскія святы сям’я рыхтавалася не да параду, а садзіла бульбу. Гэтая традыцыя ў нейкай меры таксама стала прычынай стварэння праекту.
«Мы ўсёй сямʼёй прыязджалі да дзеда, каб дапамагчы яму. Калгасны конь быў вольны толькі ў святочныя дні, таму дзед не святкаваў, а працаваў, іншага часу не было», – распавядае фатограф.
За ўсю сваю жыццё Васіль Фёдаравіч не атрымаў ніводнага запрашэння на парад у Менск і памёр, не пабываўшы на свяце ў свой жа гонар. Яго ўнук называе гэта дзікай несправядлівасцю.
«Гледзячы на тое, як рыхтуюць Менск да свята, як наводзяць парадак вакол помніка ўдзельнікам вайны ў вёсцы дзеда, я разумеў што ўсе гэтыя атрыбуты для дзяржавы важнейшыя за людзей, якія ваявалі за гэтую перамогу. Мая серыя – даніна павагі ўсім ветэранам і напамін, што людзі важней помнікаў і атрыбутаў», – кажа Аляксандр Васюковіч.
ЮШ/МВ, Belast.eu