Лукашэнка ўхваліў амністыю. На волю выйдуць больш за 1,5 тысячы асобаў


Аляксандр Лукашэнка падпісаў закон аб амністыі, паведамляе ягоная прэс-служба. Ад крымінальнага пакарання вызваляць каля 4,5 тысячы асуджаных. Ці закране гэта каго-небудзь з палітвязняў, дакладна не вядома, але ў законе пазначана, што амністыя «не будзе распаўсюджвацца на асобаў, якія ўчынілі злачынствы тэрарыстычнай або экстрэмісцкай накіраванасці».

Исправительная колония № 3, Витьба, Беларусь
Папраўчая калонія № 3. Віцьба, Беларусь. Ліпень 2022 года.
Фота: Акім Крумкач / Белсат

Аляксандр Лукашэнка падпісаў закон «Аб амністыі ў сувязі з Днём народнага адзінства». Дакумент вызначае, каму скасуюць пакаранне «за злачынствы, якія не ўяўляюць вялікай грамадскай небяспекі». Прэс-служба Лукашэнкі піша, што закон не датычыцца «асобаў, якія ўчынілі злачынствы тэрарыстычнай або экстрэмісцкай накіраванасці». А амаль усіх беларусаў, якія трапілі за краты з палітычных матываў, улады лічаць «тэрарыстамі» ды «экстрэмістамі».

Паводле папярэдніх ацэнак, ад крымінальнага пакарання вызваляць каля 4,5 тысячы асуджаных, у тым ліку 1,6 тысячы адпусцяць на волю. Яшчэ 4 тысячам вязняў тэрмін скароцяць на 1 год.

Пытанне аб скарачэнні тэрміну пакарання кожнай асобе абяцаюць разглядаць індывідуальна.

Аналітыка
Што азначае лукашэнкаўская амністыя?
2022.10.13 20:18

Сяргей Крот belsat.eu

Стужка навінаў