Ва Украіне заявілі, што «Amnesty International» магла атрымліваць звесткі ад ФСБ і з лагераў РФ

Праваабарончая арганізацыя «Amnesty International» выкарыстоўвала для рыхтавання скандальнай справаздачы пра ЗСУ сведчанні людзей, якія былі ў турмах ці фільтрацыйных лагерах на акупаваных Расеяй тэрыторыях. Пра гэта паведамілі ва ўкраінскім Цэнтры стратэгічных камунікацыяў.

Прадстаўнікі арганізацыі «Amnesty International». Фота: Алесь Усцінаў / Белсат

Паводле Цэнтру стратэгічных камунікацыяў, да збору паказанняў залучылі незалежных журналістаў і валанцёраў на тэрыторыі Мікалаеўскай, Харкаўскай, Данецкай і Луганскай вобласцяў. Але большасць матэрыялаў атрымалі ад украінцаў, эвакуяваных на тэрыторыю Данецкай і Луганскай вобласцяў або Крыму.

Як заяўляецца, у некаторых выпадках такія сведчанні было адзіным шанцам прайсці фільтраванне і выехаць за межы акупаваных тэрыторыяў. Пры гэтым матэрыялы таксама правяраліся адміністрацыяй установаў і супрацоўнікамі ФСБ Расеі.

«Расейцы таксама гэта робяць». «Amnesty International» абвінаваціла ўкраінскіх вайскоўцаў. Што кажуць эксперты

Міжнародная праваабарончая арганізацыя «Amnesty International» абвінаваціла Збройныя сілы Украіны ў размяшчэнні войскаў на тэрыторыі цывільных аб’ектаў або пры іх.

«Amnesty International» заявіла, што ўкраінскія вайскоўцы ствараюць небяспеку цывільнаму насельніцтву, размяшчаючы базы і зброю ў жылых зонах, у тым ліку школах і больніцах, каб адбіць расейскае ўварванне.

«Amnesty International» папрасіла прабачэння Украіны за свой даклад, але не адмовілася ад высноваў

Якуб Хруст belsat.eu

Падпісвайся на telegram Белсату

Hавiны